EDITORIAL
JUST-TiiS
Ang mabagal na pag-usad ng hustisya ay maiuugnay sa walang naitatalagang hukom sa Korte ng Romblon-ang dalawang sangay ng Regional Trial Court - Branch 81 na nakadetalye sa Romblon, Romblon at Branch 82 sa Odiongan. Sa mga sangay ng ito, isa lamang ang gumaganap na huwes sa katauhan ni Honorable Judge Francisco Fanlo ng Corcuera.Sa unang tatlong linggo ng bawat buwan ay nagmamasid sa kanyang regular na sala sa nabanggit na dalawang korte. Dahil sa malaking bulto ng mga kaso sa nasabing mga sangay, ang oras na ginugugol sa pagdinig sa asunto ay halos hindi tumutugma sa layunin ng ating Saligang Batas ng 1987 ng mabilisang pagdispatsa ng kaso.Ang kundisyon na namumuo sa RTC at MCTC ay lalong malubha. Ang lalawigan na binubuo ng 17 munisipalidad ay mayroong dalawang RTC na nakabase sa kabisera ng Romblon at sa Odiongan at anim na MCTC na naidetalye sa ibat-ibang pulo ng probinsiya na nakahiwalay at nangangailangan ng halos 4 na oras na biyahe. Sa lahat ng pitong korte na ito, isa lamang ang gumaganap ng hukom. ito ay mabigat na pasanin ng isang huwes lalo na sa pagsunod sa umiiral na batas katulad ng Speedy Trial Act.Dahil sa sitwasyon na ito na kung saan ang hustisya ay mabagal, ano kaya ngayon ang inisyatibong ginagawa ng ating goryerno? Totoo na ang ating mga kababayan ay mapayapa at masunurin sa batas, ngunit ito'y napakadelikado kung mabagal ang hustisya. May limitasyon din ang pasensiya ng mga taong api at walang kasalanan.Justice delayed is justice denied.
