Magastos na X-mas party sa kapitolyo, "abaw!"
Nagkakahalaga ng P348,443.00 pesos ang ipinamigay na sari-saring regalo ng provincial government of Romblon thru the provincial administrator's office sa may 758 empleyado at opisyales ng kapitolyo, kasama na rito ang lahat ng mga hospital personnel na nasa pamamahala ng Provincial Government.Ayon sa ulat ang 423 piraso na mga regalo para sa christmas raffle, ay i-dineliber sa opisina ng provincial administrstor noong December 14, 2002. At ipinamahagi naman ito noong December 16, 2002 kaalinsabay sa kaarawan ni Gob. Budoy Madrona at Christmas party ng kapitolyo. Sa kasalukuyan ang opisina ng provincial administration department ay binubuo ng limamput limang empleyado.Ang nasabing opisina rin ang namahala sa pamamahagi ng mga t-shirts at refreshments sa mga dumalo sa ginanap ng 'Baktas Romblomanon. Para sa Kaunlaran 2002', noong nakaraang December 14, 2002 sa bayan ng Romblon. (KA MALAY)
